श्रावण मासी हर्ष मानसी हिरवळ दाटे चोहीकडे
क्षणात येती सरसर शिरवे क्षणात फिरुनी ऊन पडे
वरती बघता इंद्रधनुचा गोफ दुहेरी विणलासे
मंगल तोरण काय बांधिले नभोमंडपी कुणी भासे
झालासे सूर्यास्त वाटतो सांज-अहाहा! तो उघडे
तरू शिखरांवर उंच घरांवर पिवळे पिवळे ऊन पडे
उठती वरती जलदांवरती अनंत संध्याराग पहा
सर्व नभावर होय रेखिले सुंदरतेचे रूप महा
बलाकमाला उडता भासे कल्पसुमांची मालाची ते
उतरुनी येती अवनी वरती ग्राहगोलची की एकमते
फाडफाड करुनी भिजले अपुले पंख पाखरे सावरती
सुंदर हरिणी हिरव्या कुरणी निजबाळांसह बागडती
खिल्लारे ही चरती रानी गोपही गाणी गात फिरे
मंजुळ पाव गाय तयांचा श्रावण महिमा एकसुरे
सुवर्ण चंपक फुलाला विपिनी रम्य केवडा दरवळला
पारिजातही बघता रोष मनीचा मावळला
सुंदर परडी घेऊन हाती पुरोपकंठी शुद्धमती
सुंदर बाला या फुलमाला रम्य फुले पत्री खुडती
देवदर्शना निघती ललना हर्ष माईना हृदयात
वदनी त्यांच्या वाचून घ्यावे श्रावण महिन्याचे गीत
No comments:
Post a Comment